Mbrëmjen e djeshme e ftuar në emisionin “Në kurthin e Piter Pan” ishte moderatorja simpatike, Albana Osmani, e cila foli për fushatën e saj “Ti je një luledielli”. Por natyrisht që nuk iu shpëtoj edhe pyetjeve të vogëlushëve të “Piter Pan” dhe madje këndoi së bashku me ta.
Një ndër fëmijët para se t’i bënte pyetjen e vuri në siklet Albanën.
“Daja im thotë që vajzat në TV janë pjeshka, por ti qenke super pjeshkë”, tha vogëlushi i “Piter Pan”
Kjo shkaktoi shumë të qeshura në sallë.
“Unë jam e mirë, por jo aq e mirë sa thotë daja”, iu përgjigj Albana duke qeshur.
Ndërsa një fëmijë tjetër i bëri një pyetje shumë pikante moderatores së njohur.
“Bleona që ka të njëjtën moshë me ty, i ka ngrirë vezët. Po ti do t’i ngrije?”- u pyet Albana nga fëmijët.
Ndërsa përgjigjia e moderatores ishte shumë e zgjuar.
“Do të preferoja të ngrija burrat më mirë…është ide më e mirë. Ajo çfarë ka bërë Bleona është një lloj sensibilizimi për të gjitha vajzat, është diçka shumë e mirë për të ardhmen e tyre. Unë jam pak më e vogël se Bleona, por vezët i kam ruajtur mirë në frigoriferin tim”, u shpreh Albana.
