Që nga sezoni i shkuar i “Top Show”, pjesë e të cilit ishte si opinioniste, Albana Osmanin nuk e kemi parë më në spektakle televizive, përveçse si e intervistuar.
Kjo, e kuptueshme për faktin se i është dedikuar fondacionit tashmë ndërkombëtar “You Are A Sunflower” (Ti je një Luledielli).
Por dje, Albana lajmëroi fillimin e një projekti të ri i cili nuk do ta gjejë në “Top Channel”.
Ajo la të kuptohet se bëhet fjalë për një radio, duke shkruar në story-n e saj emrin “O1” dhe sloganin “Turn On Your Life” (Ndize jetën tënde) me ikonën e radios dhe duke shënuar në fund: “soon” (së shpejti).
Por sot, revista “Who” bëri të ditur të tjera detaje në lidhje me projektin e ri që do ta rikthejë Albana Osmanin në media.
Duket se ajo ka zgjedhur të shkëputet, së paku përkohësisht, nga televizioni tradicional, për t’iu dedikuar një mediaje online, që në këtë rast do të jetë një radio.
Albana do të jetë në drejtimin e kësaj radioje online, që siç lë të kuptohet nga postimi i fundit në Instagram, është ende në fazë testimi.
View this post on Instagram
O1 #test #test #1 #2 #3 #prova ? O e madhe e shtypit, dhe numri 1. #turnONyourlife ?
Kohëve të fundit, kemi parë tentativa të moderatorëve të njohur për të realizuar transmetime vetëm në internet, siç ishte podcast-i i Jonida Shehut në Youtube, me intervista me personazhe të njohur.
