David Beckham ka bërë një tjetër tatuazh kushtuar gruas së tij Victoria-s, duke e shtuar në koleksionin e tij gjithnjë në rritje.
Ish-futbollisti, 48 vjeç, numëron tashmë më shumë se 60 tatuazhe. I fundit për të cilin po flasim është një “Posh” në gishtin e mesit në dorën e tij të majtë për pseudonimin e Victoria-s në “Spice Girls”.
Jo vetëm David por edhe djali i tij Cruz gjithashtu së fundmi gdhendi ‘Posh’ në krahun e tij.
David tha për “The Sun” për tatuazhin e tij të fundit: “Sapo e kam bërë ‘Posh’. Çdo tatuazh që kam bërë i dedikohet familjes”.
Ky nuk është tatuazhi i parë që David ia kushton gruas së tij. Në vitin 2015, ai bëri tatuazh numrin ’99’ në gishtin e tij të vogël për të shënuar vitin në të cilin u martua me Victoria-n dhe lindjen e djalit të tij të madh Brooklyn.
Një trëndafil i madh dhe fjalët “Të dua” në qafën e tij thuhet gjithashtu se janë për nder të gruas së tij.
Ai gjithashtu ka frazat e frymëzuara nga latinishtja ‘Ut Amem Et Foveam’ (Kështu që të dua dhe të çmoj) nën emrin e Victorias në krahun e tij të majtë dhe ‘Perfectio in Spiritu’ (Përsosmëri Shpirtërore) në të djathtën e tij.
