Një vajzë 25-vjeçare ka akuzuar në emisionin ‘Me zemër të hapur’ në ‘News24’, babain e saj Qirjako Nakuci se ka abuzuar me të prej 16 vitesh.
Lidhur me këtë çështje është shprehur edhe motra e 25-vjeçares e cila në një lidhje telefonike në emision është shprehur se e beson motrën e saj dhe kërkon që babai të marrë dënimin e merituar.
“Unë jam e martuar, kam jetën time. Ku më njihni mua ju avokat dhe më keni cilësuar si një vajzë të përdalë. Ajo është abuzuar për 16 vite. Motra ime ka vuajtur shumë. Nuk dua të marr pjesë në këtë çështje, por i besoj motrës time. Uroj që një ditë ai të marrë dënimin e merituar nëse është e vërtetë. Dua që të mbahen privat emrat e familjes time”- ka thënë vajza në lidhjen telefonike.
Ndërkohë vajza nuk i ka mohuar akuzat as ndaj hallës së saj, e cila ishte e pranishme në studio, duke e akuzuar se ajo dinte gjithçka.
“Ti ke qenë në dijeni të asaj çështje. Ndaj e di. Ty të të vijë zor dhe turp që na përmend mua dhe vëllain. Nuk dua të bëhem pjesë e kësaj çështje. Dua që emri i vëllait dhe nënës time mos të dalë aty.”- ka thënë ajo.
