Jimmy Fallon ka kërkuar falje publike, pasi pretendimet për një ambient toksik pune në emisionin “Tonight Show” morën një dimension të madh.
Prezantuesi thuhet se i kërkoi falje stafit të “Tonight Show” pasi Rolling Stone publikoi akuza nga bashkëpunëtorët aktual dhe të mëparshëm. Sipas fjalëve të tyre, mjedisi i punës prapa skenave të shfaqjes televizive është toksik.
“Është e turpshme dhe ndihem shumë keq. Më vjen keq nëse të kam bezdisur ty, familjen dhe miqtë e tu”, i tha Jimmy Fallon stafit të “Tonight Show” gjatë një takimi të shkurtër përmes “Zoom.”
“Ndihem aq keq sa nuk mund ta përshkruaj. Unë dua që kjo shfaqje të jetë argëtuese, duhet të jetë gjithëpërfshirëse, duhet të jetë e gëzueshme, duhet të jetë shfaqja më e mirë, duhet të jetë me njerëzit më të mirë,” tha prezantuesi.
Më herët të enjten, Rolling Stone publikoi ankesa nga dy punonjës aktual dhe 14 ish-punonjës të shfaqjes, anëtarë të ekuipazhit të prodhimit dhe skenariste, të cilët kërkuan të mbeten anonim nga frika e hakmarrjes.
Raporti i Rolling Stone thotë se 80 punonjës të tjerë aktualë dhe ish-punonjës u kontaktuan, por asnjë nuk pranoi të fliste ose të thoshte gjëra pozitive për kushtet e punës në “Tonight Show”.
