Gjatë transmetimit të “Eurovision”, këngëtari italian i grupit Maneskin bëri një lëvizje të dyshimtë, që disa e përkthyen si marrje kokaine. Orët e fundit në rrjete sociale ka qarkulluar një video, ku Damiano David shihet duke u përkulur drejt tavolinës. Ndjekësit e festivalit kanë menduar se ai ka thithur kokainë në ato momente, por këngëtari e ka mohuar këtë gjë.
Gjatë një konference për shtyp, Damiano tregoi se një nga miqtë e tij të grupit kishte thyer një shishe dhe ai kishte hequr një xham.
“Thomas (kitaristi i grupit) theu një shishe… unë nuk përdor drogë, ju lutem, mos e thoni këtë gjë. Mos e thoni këtë gjë realisht. Jo kokainë ju lutem, mos e thoni këtë gjë”, u shpreh Damiano.
https://twitter.com/ShadesDaddyy/status/1396226402836520964?ref_src=twsrc%5Etfw%7Ctwcamp%5Etweetembed%7Ctwterm%5E1396226402836520964%7Ctwgr%5E%7Ctwcon%5Es1_&ref_url=https%3A%2F%2Fwww.france24.com%2Fen%2Fculture%2F20210524-french-minister-says-eurovision-s-italian-winners-could-be-disqualified-over-alleged-drug-use
Më pas grupi bëri një postim në Instagram, ku u shprehën të gatshëm të bëjnë edhe test për të vërtetuar nëse kanë konsumuar drogë apo jo.
Por ka nga ata që vazhdojnë të mos besojnë në vërtetësinë e grupit. Ministri Francez për Europën, Clement Beaune, ka kërkuar transparencë për këtë rast. Sipas tij nëse vërtetohet se solisti i grupit ka konsumuar kokainë, ata duhet të skualifikohen menjëherë.
“Mendoj se nuk ka nevojë për dyshim këtu dhe duhet transparencë e plotë. nNëse ka një problem, ka ndëshkime. Janë bërë masa sanksionuese, përfshirë skualifikimin e mundshëm në rast të problemeve”, është shprehur ministri francez, i cili ishte dhe vetë i pranishëm në “Eurovision”.
Kujtojmë se Franca ishte shumë pranë fitores së “Eurovision”, por rezultati u përmbys për shkak të votave që publiku i dha Italisë. Franca u prezantua këtë vit nga Barbara Pravi me këngën “Voila”.
