Kreu i Autoritetit Kombëtar të Ushqimit (AKU) dhe përgjegjësit për sigurinë e ushqimeve, vazhdojnë të “kyçin gojën” para skandalit të tregtimit të akullores me substancë të rrezikshme kimike, i bërë publik disa ditë më parë.
Në Komisionin e Ekonomisë dhe Financave u zbulua se janë konsumuar 13.2 ton akullore me oksid etileni, teksa produktet janë shitur kryesisht në: Tiranë, Durrës, Fier, Elbasan, Vlorë, Berat, Lushnje, Korçë, Shkodër, Sarandë, Krujë, Burrel, Peshkopi, Tropojë, Lezhë.
AKU nuk mori asnjë përgjegjësi, duke heshtur para këtij skandali, ndërkohë që mijëra qytetarë tashmë e kanë konsumuar akulloren me substancën e rrezikshme për shëndetin e tyre.
Disa nga mediat që qëndrojmë nën “hijen” e këtyre institucioneve raportuan se akulloret janë tërhequr nga tregu.
Megjithatë ekspertët duke ju referuar shifra zbulojnë “prapaskena” të reja nga skandali.
Ana Vuksani është shprehur se sipas kontrollit të lartë të shteti 13.2 ton akullore janë konsumuar me përbërje të oksidit të atelenit, ndërsa AKU arriti vetëm 4 ton të tërheq nga tregu.
“Oksidi i atelenit është i ndalur që të përdoret në ushqim nga BE prej shumë vitesh. Një pjesë e këtij produkti është përdorur për dezifiktimin e ushqimit nga salmonele është zbuluar se shkakton sëmundje të rënda dere në kancerogjene.
Belgjika ishte shteti i parë që e ndaloi këtë substancë pasi e identifikoi në disa produkte në vitin 2020, por në Shqipëri nuk ndodh si në europë pasi ne duhet të presim rastin që të na njoftojnë për këto risqe. Franca vuri re se një pjesë e akulloreve kishin të tilla substanca në produkte dhe ndaluan shitjen e tyre dhe tërheqjen e tyre nga tregu.
Sipas kontrollit të lartë të shteti 13.2 ton ishin konsumuar akullore me përbërje të oksidit të atelenit, ndërsa AKU arriti vetëm 4 ton të tërheq nga tregu.”
Po ashtu kërkimet zbuluan se akulloret e kontaminuara me Oksid Etileni mund shkaktojnë kancer, leucemi dhe ndikojnë në aftësinë riprodhuese tek meshkujt.
Rastet e shkaktuara me kancer prej këtyre akulloreve mund të ketë rritur numrin e pacientëve tek Onkologjiku, spitali i skandaleve ku pak ditë më parë u zbulua sesi mjekët e kirurgët bënin “tregti” me jetën e pacientëve të sëmurë.
Por ky nuk është i vetmi rast skandali ku del hapur emri i AKU. Ushqime bazë, si mishi apo bulmeti që prej kohësh nuk duhet të tregtoheshin në vendin tonë kanë qarkulluar lirshëm nëpër biznese. AKU pa më të voglin përgjegjësi po luan hapur me jetën e qytetarëve.
