Edhe pse në Turqi është tashmë e ditur, pak vetë në Shqipëri e dinë se aktorja e njohur turke, Fahrye Evecen, ka qenë e lidhur me Ozcan Deniz, para se të martohej me Burak Ozcivit, i njohur tek ne si ‘Kemali’.
Ajo ishte në një lidhje të gjatë tre vjeçare me një aktor tjetër të suksesshëm turk. Është fjala për Ozcan Deniz, të cilin ajo e braktisi pak para se të niste një histori të re dashurie me “Kemalin”.
Përveç se aktor, Ozcan Deniz është edhe një nga këngëtarët më të suksesshëm në Turqi. Ai madje bëri bujë pak para dasmës së Fahrye-s me Burak-un, pasi mediat panë që i kishte bërë “like” në foto aktores.
Aktori më pas u justifikua se pëlqimi ishte bërë nga mbesa e tij, pasi ajo është fanse e zjarrtë e Evecen. Gjithsesi, ai e ka lënë prapa të kaluarën, pasi tashme është në një lidhje me një modele që është 18 vite më e re.
