Cate Blanchett është një nga ikonat e stilit, por kjo nuk do të thotë që ajo nuk është gjykuar për zgjedhjet e veshjes së saj. Aktorja fituese e “Oscar”-it inkurajoi gratë që të shprehin vetveten përmes modës, pasi pranoi çmimin “Style Icon” në ceremoninë e “InStyle Awards”, në Los Angeles.
Reagimi i saj është nxitur pas skandaleve të fundit që kanë shpërthyer në Hollivud.
“Për mua, ikonat e vërteta të stilit janë ato gra që janë gjithmonë vetvetja, pa kërkuar kurrë ndjesë. Ato gra për të cilat pamja e jashtme është e rëndësishme gjithnjë. Janë ato gra të ndërgjegjshme për faktin se imazhi i tyre nuk është ai që janë në të vërtetë, por vetëm një zgjatim i asaj çfarë kanë brenda vetes dhe ndihen të lira të veshin ato që duan, kur duan dhe si duan”, ka thënë Blanchett
Nga skena, e veshur me një fustan “Givenchy” me dekolte të hapur, aktorja e Oscar-it ka ‘sulmuar’ ata që fajësojnë gratë, sepse bëhen bashkëpunëtore në sulmet seksuale, për shkak të veshjeve provokuese.
“Çdo burrë i fuqishëm financiarisht mendon se është e drejta e tij të kërcënojë, abuzojë apo sulmojë seksualisht, çdo grua që takon. Nuk është asnjëherë e lehtë të gjendesh në situatë të tillë dhe me gjithë zemër mbështes gratë që janë gjendur në të tilla rrethana. Çdo gruaje i pëlqen të jetë seksi por kjo s’do të thotë se do të bëjë seks me ty, kushdo qofsh ti!”, ka përfunduar Blanchett.
Cate Blanchett at tonight’s #InStyleAwards: “We all like looking sexy, but it doesn’t mean we want to f—k you.” pic.twitter.com/3FKFjJJVzC
— Andrea Mandell (@AndreaMandell) October 24, 2017
Burimi: Harper’s Bazaar
