Shumë shpejt pritet që të publikohet filmi i ri, i cili dëshmon vitin e parë të martesës së Dukës dhe Dukeshës së Sussex, “Harry & Meghan: Becoming Royal”.
Dhe në film rolin e Meghan Markle e ka marrë Tiffany Smith, të cilën nëse e shikoni fillimisht mund të mendoni se nuk i ngjan aspak Dukeshës.
Por tashmë është publikuar një foto e shkëputur nga filmi, ku Tiffany shfaqet si Meghan në ditën e saj të dasmës.
Dhe ja si duket:
Ajo ka një ngjashmëri të habitshme me Meghan, kjo falë makijazhit dhe veshjes.
Me flokët e kapur, kurorën dhe fustanin e hapur në pjesën e shpatullave, Tiffany na kujton ditën kur ish-aktorja u kurorëzua më 19 maj të 2018-s.
Filmi zbulon disa sfida dhe të pathëna me të cilat është përballur çifti gjatë 12 muajve, si dhe momentin kyç të njoftimit të lajmit lidhur me shtatzëninë e Meghan.
Ndërkohë Princi Harry do të luhet nga aktori britanik Charlie Field.
Premiera e filmit të ri do të publikohet më 27 maj dhe do të prekë marrëdhënien e tensionuar mes Dukeshës dhe babait të saj Thomas Markle.
Burimi: E!News
