Njëra prej aktoreve të serialit më të famshëm të momentit, “La Casa De Papel”, ka rezultuar pozitive në testin për virusin vdekeprurës Covid-19.
Bëhet fjalë për aktoren Itziar Ituno, e cila në serial ka rolin e inspektores Raquel Murillo.
Vetë ajo e ka konfirmuar lajmin në një postim në llogarinë e saj në Instagram, teksa i bën thirrje të gjithëve të kujdesen për shëndetin.
“Është zyrtare, që nga e premtja pasdite kam simptoma – temperaturë dhe kollë të thatë dhe sot kam pranuar informacionin nga testi epidemiologjik që kam bërë. Është koronavirus. Rasti im është i lehtë, por virusi është shumë ngjitës dhe i rrezikshëm për njerëzit me imunitet të dobët. Jini të vetëdijshëm, qëndroni në shtëpi dhe mbroni të tjerët”.
https://www.instagram.com/p/B94G2HsAs7M/?utm_source=ig_embed
Ituno do të qëndrojë dy javë në karantinë, ndërsa mbetet të presim për të mësuar vazhdimësinë e shëndetit të saj.
“La Casa De Papel” do të lançojë sezonin e ri më datën 4 të muajit prill dhe ende nuk kemi asnjë lajm nëse kjo datë do të shtyhet apo jo për shkak të Koronavirusit.
