Uma Thurman ka postuar një shënim në llogarinë e saj të “Instagram”-it, ditën e enjte, duke lënë të nënkuptohet se ajo është një tjetër viktimë e regjisorit famëkeq, Harvey Weinstein.
“Jam e lumtur sot, që jam gjallë, për të gjithë ata që dua dhe për të gjithë ata që më kanë inkurajuar të qëndroj për ta”, ka shkruar ylli i “Pulp Fiction”.
“Kam thënë se jam shumë e inatosur së fundmi por kam disa arsye, në rast se nuk mund ta kuptoni nga fytyra ime. Mendoj se është e rëndësishme t’ju marr pak nga koha juaj, të jem e sinqertë dhe e saktë… Gëzuar Ditën e Falënderimeve për të gjithë (përveç teje Harvey dhe të gjitha konspiracioneve të tua të liga) . Më bëhet qejfi që ky proces po ecën kaq ngadalë, ti nuk meriton një plumb”, shkruan në postimin e saj aktorja e famshme amerikane.
Ajo postoi foton nga roli i saj në filmin “Kill Bill: Volume 2”, ku aktorja “zotohet për hakmarrje”.
Weinstein, themeluesi i “Miramax” dhe “The Weinstein Company”, është akuzuar nga një numër femrat të ekranit të “Hollywood”-it për ngacmim seksual.
Burimi: Daily Mail
