Veterania e “Star Wars”, Carrie Fisher, pësoi një atak kardiak të fuqishëm të premten, ndërsa po fluturonte për në Los Angeles nga Londra në një fluturim 11-orësh.
Lajmi ishte shkatërrues për nënën e saj, yllin e filmave, Debbie Reynolds, 84-vjeç. Nënë e bijë kanë qenë shumë të lidhura me njëra-tjetrën dhe Debbie ajo që i qëndroi aktores pranë kur u rehabilitua dhe pas divorcit zemërthyes nga Paul Simon në 1980-n.
Lajmin e bëri të ditur vëllai i 60-vjeçares, i cili informoi se Fisher ndodhet në gjendje të rëndë në spital, nën vëzhgimin e vazhdueshëm të mjekëve.
Mësohet se aktorja e “Star Wars” ka mbetur pa frymë për rreth 10 minuta, ndërsa pasagjerët janë munduar ta risjellin në jetë nëpërmjet një masazhi kardiak. Gjithçka ka ndodhur vetëm 15 minuta para uljes së avionit dhe me t’u rikthyer pulsi, Carrie u shoqërua menjëherë në spital. Siç u shpreh vëllai i saj, gjendja e saj shëndetësore është ende e rëndë.
Burimi: Daily Mail
