Zendaya u bë dhe njëherë kryefjalë e mediave të huaja pasi u shfaq në “Bet Awards 2021” frymëzuar nga diva e muzikës, Beyonce.
Me një fustan Versace të vitit 2003, të ngjashëm me atë që këngëtarja veshi “Bet Awards”, ylli i “Hollywood”-it e shoqëroi atë me aksesorë të thjeshtë ndërsa flokët i mbante të kapura bisht.
Diva e muzikës e veshi fustanin 18 vite më parë për performancën e saj të parë solo të këtij evenimenti , ku këndoi “Crazy in Love”.
Zendaya nuk zhgënjen kurrë në tapetin e kuq. Kujtojmë se për shkak të pandemisë së koronavirusit, edicioni i 93-të i ceremonies së shpërblimeve prestigjioze “Oscar”, u zhvillua ndryshe këtë vit ku pjesëmarrja ishte shumë e kufizuar.
Ylli i “Hollywood-it” bëri një paraqitje të paharrueshme në “Oscar” 2021.
Zendaya Maree Stoermer Coleman befasoi fansat me fustanin e markës ‘Valentino’, duke u bërë kështu si një nga trendet më të mëdha të mbrëmjes. Pamja e aktores u kompletua me bizhuteritë e markës Bulgari nga koleksioni i ri i markës “Magnifica”. Këto aksesorë kishin një vlerë prej gjashtë milionë dollarësh dhe përfshinin një gjerdan karficë, unazë diamanti 30 karat, një unazë diamanti me prerje smeraldi dhe po ashtu vathë diamanti.
“Është një pamje vërtet joshëse. Na pëlqen të eksperimentojmë me modën dhe të krijojmë pamje për të cilat njerëzit do të flasin”, është shprehur stilisti i Zendaya, Law Roach.
