Gwyneth Paltrow është fejuar me producentin televiziv, Brad Falchuk, 46 vjeç, pas më shumë se tre vitesh lidhje.
Aktorja 45-vjeçare është takuar me krijuesin e “Glee” gjatë xhirimeve të një filmi në 2010-n. Ata raportohet se u lidhën në 2014-n, por e kanë mbajtur sekret deri në shtatorin e 2015-s.
Një burim ka thënë për “US Weekly”: “Ata të dy e dinin se kjo gjë do të ndodhte së shpejti, por nuk ka qenë ndonjë ngjarje e madhe duke qenë se të dy ata kanë qenë të martuar për një kohë të gjatë më parë. Nuk e kanë patur me nxitim”.
Sipas medias, çifti i lumtur ka preferuar ta mbajë sekret lajmin e bukur, por sipas një burimi pranë çiftit, aktorja fituese e çmimit Oscar pritet ta publikojë këtë lajm në uebsajtin e saj.
Gwyneth dhe ish-bashkëshorti Chris Martin finalizuan divorcin në korrik të 2016-s. Në mars të 2014-s, çifti, i cili ishte martuar prej 13 vitesh, njoftuan se ishin ndarë.
Burimi: Harpers Bazaar
