Aktori shqiptar është i njohur për rolet e tij në seriale dhe filma amerikanë, ndërsa tashmë Niko Pepaj po xhiron “The Recall”. Shqiptari ka qenë pjesë e projekteve “Awkward”, “Bosch”, “Web Atlas”, “How to Get Away With Murder”, etj.
Djaloshi simpatik shqiptar Niko Pepaj, me origjinë nga Shkodra, fitoi një rol të ri kinematografik dhe mjaft të rëndësishëm, në Amerikë, ku jeton prej disa vitesh.
Ai pritet të jetë pjesë e serialit “Daytime Divas”, që parashikohet të shfaqet vitin e ardhshëm. Ky i fundit bazohet në librin “Motrat e Satanit” nga Star Jones.
Aktori shqiptar mësohet se do të luajë rolin e Leos, një djalë biznesmen që kalon një pjesë të mirë të përditshmërisë së tij në telefon, në mesin e një zyre me pesë gra që bëjnë jetë dinamike në Amerikë. Deri më tani konfirmohet se pjesë e këtij serilai janë edhe aktorët, Vanessa Williams, Tichina Arnold, Chloe Bridges, Camille Guaty dhe Fiona Gubelmann.
