Kit Harington, i pashmangshmi Jon Snow në serinë “Game of Thrones”, tashmë nuk është frymëzim vetëm për kinematografinë, por edhe për modën.
Aktori po ecën në hapat për t’u bërë muzë e “Dolce & Gabbana”-s. Duke filluar nga shtatori 2017, ai do të jetë imazhi i parfumit “The One”.
Domenico Dolce dhe Stefano Gabbana, themeluesit e shtëpisë italiane, e njoftuan këtë në një komunikatë për shtyp më 2 mars.
“Kit Harington është ashtu si ne imagjinojmë mashkullin “Dolce & Gabbana”, i ri, me sharm natyral, karizmatik, me tipare të theksuara të personalitetit”, thuhej në deklaratë.
Mbetet për t’u parë nëse aktori ka dëshirën të jetë në krahë të Scarlett Johansson që mishëron deri tani pjesën femërore të kësaj linje në krahë të aktorit Matthew McConaughey.
