Aktori Jason Momoa u përfshi në një aksident kokë më kokë me një motoçiklist në një autostradë të zonës së Los Anxhelesit gjatë fundjavës. Aktori i “Aquaman” dhe “Game of Thrones” ishte duke vozitur përgjatë rrugës ‘Old Topanga’ në Calabasas, Kaliforni, pak para orës 11 të mëngjesit të së dielës, kur një 21-vjeçar me një motoçikletë kaloi vijën qendrore dhe u përplas me kokë.
Patrulla e autostradës së Kalifornisë tha se motoçiklisti goditi pjesën e përparme të majtë të makinës së Momoas dhe u hodh nga motori.
Momoa doli nga makina e tij për të ndihmuar motoçiklistin dhe thirri ambulancën. Patrulla e autostradës së Kalifornisë tha se aktori nuk ishte lënduar. Motoçiklisti u dërgua në një spital rajonal për lëndime të lehta, jashtë rrezikut për jetën. Është akoma e paqartë pse motoçiklisti kaloi vijën qendrore. Asnjë akuzë nuk është ngritur për aksidentin.
Momoa luan në filmin e ri “Aquaman and the Lost Kingdom”, i cili pritet të dalë në mars 2023. Së fundmi ai dhe aktorja Eiza González i kanë dhënë fund lidhjes së tyre.
“Ata janë njerëz shumë të ndryshëm,” thotë një burimi i brendshëm për ‘People’.
Një tjetër burim thotë se dyshja “shpresojnë se mund ta zgjidhin”. “Ata e duan shumë njëri-tjetrin duke u takuar në heshtje për disa kohë përpara se të bëhej publike”, shton burimi. Ata janë në faza të ndryshme të jetës”.
