Ai na prezantoi me të dashurën e re paska kohë më parë, kur publikoi një foto me një vajzë brune, e cila mban inicialin S.
Rezart Veleshnja nuk na tregoi se kush është S-ja që i ka rrëmbyer zemrën, dhe kjo e paska një shpjegim. Historia e dashurisë për Rezartin është e vërtetë dhe serioze ndaj aktori ka vendosur mos ta bëjë shumë private.
Çifti ndodhet këto ditë të para të janarit në Gjermani, atje ku jeton e dashura e Rezartit. Sapo është mbyllur sezoni i “Portokallisë”, Rezarti ka fluturuar drejt Gjermanisë për të kaluar më shumë kohë me të dashurën, duke e konsideruar këtë kohë si muaj mjalti.
I pyetur nga “Panorama” për këtë histori të re dashurie, aktori tregon: “Mund të them vetëm që e dashura ime jeton prej 20-vitesh në Gjermani, është me profesion mjeke dhe e them me bindje se e shoh si gruan e jetës, pra, do të jetë nusja ime”, tha ai.
