Mëngjesin e ditës së djeshme humbi jetën në mënyrë tragjike aktori turk, Arda Ozir i njohur për publikun shqiptar me rolin e tij si “Goktug” në serialin “Ertugrul”.
Pasi kishte parë ndeshjen e Champions League me mikun e tij, teksa po kthehej për në shtëpi i ndodhi aksidenti tragjik me motor që i mori jetën.
Ditën e djeshme aktorit të njohur iu dha lamtumira e fundit nga familjarët dhe miqtë. Gjatë ceremonisë së varrimit u mbajtën fjalime prekëse për 39-vjeçarin.
Mirëpo një status i publikuar në rrjetet sociale nga bashkëshortja e tij, Vildan Ornek, i ka rrëqethur të gjithë.
“Burri, miku, shoku, i besuari im, sa shumë ishe për mua. Hyre në jetën time me 27 Maj 2012, në të njëjtën ditë 6 vite më vonë të humba. Dhimbja ime është e papërshkrueshme. Ti iu bashkove babait, një ditë edhe ne do të të bashkohemi ty. Njeri i bukur, të falënderoj me mijëra herë për çdo gjë që i shtove jetës sime.”- ka shkruar Vildan Ornek.
