Aktori i humorit, Florjan Binaj, ndau me ndjekësit e tij kartolinën për festat e fundvitit, bashkëngjitur me një urim.
Një fotografi familjare që përcjell shumë dashuri është një kujtim i bukur për familjen e tij.
Por nga ana tjetër aktori na prezanton për herë të parë me djalin e tij të sapolindur Glauk, i cili erdhi në jetë më 3 dhjetor.
Bashkëshortja e tij Sabina Alla, vogëlushja Krena dhe Glauku i vogël janë lumturia e Florjanit, i cili shkruan krah fotos: “Gëzuar Krishtlindjen bashkë me të gjitha festat e fundvitit!!! Mundohuni të jeni kaq të lumtur dhe të mirë gjithë vitin, jo vetëm nëpër fundjava!!! Ju uroj të gjithëve shumë dashuri, sepse dashuria është i vetmi ilaç që shëron çdo plagë dhe nuk kushton asgjë!!!”.
