Ai është vetëm një nga personat e prekur nga zjarri që përfshiu Kaliforninë. Aktori i njohur hollivudian, Gerard Butler, tregoi se shtëpia e tij është bërë shkrumb e hi.
Butler postoi një foto të dielën duke treguar shtëpinë e tij të djegur në Malibu. Ai tha se kjo është situata që gjeti pasi u evakuua nga zona, si shumë yje të tjera dhe e cilësoi si një “periudhë zemërthyese” për vendin.
“Kam ardhur në shtëpinë time në Malibu pas evakuimit. Jam i frymëzuar nga guximi, shpirti dhe sakrifica e zjarrfikësve tanë. Faleminderit!”, shkroi Butler në përshkrimin e fotos.
Gerard Butler gjithashtu filmoi veten duke ecur përreth rrënojave, ndërsa tregoi se gjysma e shtëpisë së tij është zhdukur.
Zjarret në Kaliforni detyruan 250 mijë persona të braktisnin shtëpitë e tyre dhe qindra prej tyre nuk i mbijetuan fatkeqësisë. Policia konfirmoi se numri i të vdekurve ka arritur më shumë se 30 vetë.
Burimi: TMZ
