Gerard Butler është dërguar me urgjencë në spital, pasi ka pësuar një aksident me motoçikletë.
Aktori ka dalë nga rruga kur një automjet i ka dalë përpara në Los Angeles.
Policia dhe ekipet paramjekësore janë thirrur nga një i pranishëm në vendin e aksidentit të 47-vjeçarit.
Lëndimet e Gerard thuhet se nuk janë serioze, mirëpo ai ka pasur nevojë për ndihmë mjekësore.
“Fatmirësisht për të nuk ka kocka të thyera, vetëm mavijosje”, ka thënë një burim për TMZ.
Gerard shpesh fotografohet duke lëvizur me motoçikletën e tij, ndërsa aksidenti ka ardhur pak ditë pas pjesëmarrjes në emisionin Late Night me Seth Meyers, ku ka folur për rolin e ri filmik.
