Aktorja e mirënjohur Tinka Kurti është aksidentuar dhe ka pësuar shembje në trup. Profesori Përparim Kabo, nëpërmjet një statusi në Facebook, dha lajmin e trishtë që aktorja është rrëzuar nga shkallët dhe i bën thirrje shtetit që të ndihmojë aktoren. Një pjesë e postimit të tij ka qenë:
“Më tregoi se para dy ditësh në shkallën e pallatit ku s’kishte drita qe rrëzuar në shkallë…Ambulancat mbyllur për festë…dhe diku kish mundur të vizitohesh e i kishin thënë se je shembur në gjysmën e trupit…Xhongu në fyt mu zmadhua…
Po çfarë lloj shteti jemi ne…Pa pati mundësi…Ju zonja Ministre e Shëndetësisë…a mundesh nesër të gjesh pak kohë ta marrësh këtë zonjë dhe ta shoqëroni ju vet në spital dhe ti bëhen të gjitha ekzaminimet…vetëm për një fakt… Ajo ka luajtur rolin e Lady Makbethit…Tek studioja për këtë rol pash se nuk janë shumë gra në botë që e kanë luajtur atë rol…por nga më të famshmet aktore…dhe mes tyre një grua e thjeshtë dhe madhështore Tinka Kurti…”, ka qenë kjo thirrja që Përparimi i ka bërë shtetit.
E pas deklaratës së tij ka reaguar menjëherë ministrja Ogerta Manastirliu, e cila ka ofruar ndihmën e saj, këtë gjë e bën sërish të ditur Përparim Kabo nëpërmjet një tjetër postimi.
“Sapo bisedova me Tinka Kurtin ….Ju falënderon ju të gjithëve që keni shprehur solidaritetin më të…brenda dhe jashtë Shqipërisë…Ajo më bëri me dije se Ministria e Shëndetësisë ka kontaktuar me të dhe i ka afruar të gjithë gatishmërinë njerëzore dhe institucionale për shëndetin e saja…Zonja Ministre megjithëse personalisht unë nuk ju njoh ky gjest i juaji më dha rastin t’ju njoh….Ju faleminderit për mirëkutimin tuaj dhe kujdesin ndaj mikes së të gjithë shqiptarëve aktores së shquar TINKA KURTI e cila në 17 dhjetor 2017 mbush 85 vite…Tinka shqiptarët kudo ku janë të duan…Shërim të shpejtë fisnike”, ka shkruar ai.
