Ish konkurrenti i “Për’puthen 2”, Fation Kuqari është përfshirë në një aksident ditën e sotme.
Nga videoja e publikuar nga “Albeu”, shihet që makina e tij tip “Audi” ka pësuar disa dëmtime në pjesën anësore të saj.
Ndërkohë, në video shihet gjithashtu Fationi, i cili duket se është në gjendje të mirë shëndetësore.
Megjithatë, ai ende nuk ka reagur lidhur me këtë ngjarje.
Fationi ka treguar vazhdimisht në profilin e tij në “Instagram” se është mjaft i apasionuar pas makinave luksoze si dhe pas shpejtësisë së lartë.
Madje, ai është bërë disa herë pjesë e diskutimeve lidhur me shpejtësinë e lartë.
Kujtojmë se ish-konkurrenti i “Për’puthen”, Fation Kuqari ka filmuar veten e tij duke ecur me makinën tip “Audi” me një shpejtësi prej 215 km/h.
Dhe këto pamje i ka ndarë pa problem me 400 mijë ndjekësit e tij në “Instagram”, duke treguar moskokëçarje se “nuk pyet për rregulla”.
Fationi ka qenë një nga konkurrentët më të përfolur në emisionin “Për’puthen”. Madje dhe pas daljes së tij nga emisioni i “Top Channel”, ai ka qenë vazhdimisht pjesë e ekranit dhe është komentuar shumë shpesh në media dhe lajmet rozë. Tashmë ai është kthyer një nga personazhet e preferuar dhe më të diskutuar të publikut shqiptar.
