Mjekja e spitalit të Shkodrës, Dhurata Uruçi ka folur për mediat pas aksidentit tragjik ku i mori jetën 3 anëtarëve të një familjeje duke deklaruar se nëna e fëmijëve Evis Preka, është përmendur dhe po kërkon fëmijët.
36 -vjecarja nuk është në dijeni të tragjedisë së rëndë dhe se ka humbur dy fëmijët dhe bashkëshortin në aksidentin e rëndë mbrëmjen e djeshme.
Vajza 10-vjeçare sipas mjekes është në gjendje kome dhe po mbahet me aparatura.
Mjekja e spitalit të Shkodrës tha se pasagjerët e makinës tjetër dhe nëna e fëmijëve janë jashtë rrezikut për jetën.
“Janë katër të shtruar, të katërt trajtohen me terapi intensive, më rëndë është gjendja e vajzës të çiftit të aksidentuar, gjendje kromatoze, me shumë pak pikë, ndërsa tre të tjerët janë jashtë rrezikut për jetën. Vajza vazhdon të jetë në gjendje rreziku për jetën”, u shpreh mjekja Dhurata Uruçi.
