Sot ka ndodhur një aksident tragjik në orën 02:00 të mëngjesit në Bullgari, ku nga përplasja e një autobusi kanë ndërruar jetë 45 persona midis tyre dhe shqiptarë. Për këtë ngjarje kanë shkruar edhe mediat prestigjoze botë rore si: Daily Mail, Reuters, BBC, Al Jazeera etj.
Daily Mail është ndalur në vecanti edhe në rastin e dy binjakëve Luan dhe Alban Ahmeti të cilët humbën jetën së bashku me prindërit e tyre pasi një autobus me të cilin po udhëtonin u përplas dhe shpërtheu në flakë ndërsa u rrëzua në një autostradë në jug të kryeqytetit Sofje.
Shumica e viktimave mendohet se kanë qenë turistë nga Maqedonia e Veriut që udhëtonin në shtëpi nga pushimet, ndërsa mediat në Maqedoninë e Veriut raportuan se disa nga të vdekurit ishin nga një shkollë fillore në Shkup.
Vetëm shtatë persona i mbijetuan përplasjes, mendohet se kanë arritur të thyejnë xhamat dhe të transportohen në një vend të sigurt. Ata tani ndodhen në një spital në Sofje me djegie në duar dhe në rrugët e frymëmarrjes, megjithëse asnjë nga lëndimet e tyre nuk konsiderohet kërcënuese për jetën, raporton Daily Mail.
Gjithashtu kanë shkruar edhe mediat e tjera botërore si Reuters, e cila ka folur gjithashtu për cdo rast dhe e ka trajtuar në përgjithësi të gjithë ngjarjen, së bashku me dëshmitë e familjarëve dhe të mbijetuarëve.
Al Jazeera gjithashtu ka shkruar lidhur me aksidentin tragjik duke përshkruar skenat tmerruese të ngjarjes, me dëshmitarët e mbijetuar.
