Një person ka humbur jetën dhe shumë të tjerë janë plagosur rëndë pas një aksidenti me varkë në Florida.
Një varkë ka goditur një traget Clearwater që transportonte mbi 40 persona pranë urës Memorial Causeway në Clearwater përpara se të largohej nga vendi i ngjarjes rreth orës 20:40 me orën lokale të dielën, 27 prill, njoftoi Policia e Clearwater në një postim në Facebook.
Autoritetet e deklaruan përplasjen si një “incident me viktima masive” me “plagosje të shumta të rënda”. Policia ka konfirmuar se një person ka humbur jetën si pasojë e plagëve të marra. Viktima mashkull nuk është identifikuar për momentin.
“Reparti i zjarrfikësve e shpalli incidentin me viktima masive për shkak të numrit dhe ashpërsisë së lëndimeve”, ndau policia në postimin e saj. “Gjashtë pacientë u deklaruan si alarm traume, dy prej të cilëve u transportuan me helikopter”.
