Aksidenti i rëndë i ka marrë jetën një gruaje mesditën e sotme pranë zonës së “Gjirit të Lalzit”.
Sipas raportimeve, në një nga makinat e përfshira në aksident udhëtonte një shtetas francez dhe e fejuara e tij, ndërsa në makinën tjetër ndodheshin 5 persona, dy motra dhe tre fëmijët e tyre.
Si pasojë e përplasjes, njëra nga motrat ka mbërritur pa jetë në urgjencën e Durrësit, ndërsa personat e tjerë të përfshirë në aksident janë jashtë rrezikut për jetën.
Ngjarja është shënuar në fshatin Rrotull, ku aksidenti ndodhi gjatë parakalimit në një kthesë. Policia ka nisur hetimet për zbardhjen e rrethanave.
