Në një aksident të rëndë mbrëmjen e kaluar në Durrës mbeti i vdekur një 25-vjeçar i cili shpërndante pica me motor.
Sipas raportit zyrtar të policisë, pas përplasjes me një autobus, drejtuesi i motorit ishte përplasur edhe me një mjet tjetër që e kishte spostuar trupin e tij.
“Më datë 26.10.2019, rreth orës 20:10, në autostradën Tiranë- Durrës, në afërsi të një karburanti, në Shkozet, shtetasi P.T, duke drejtuar një mjet autobus tip “Skania” është përplasur me motorin tip “Dajang”, me drejtues shtetasin R. B, 25 vjeç, banues ne lagjen nr 15 Durres i cili ka gjetur vdekjen.
Nga kqyrja e kamerave dhe veprimet paraprake rezulton se drejtuesi i motorit si pasojë e përplasjes nga autobusi është përplasur edhe me një mjet tjetër i cili e ka spostuar trupin e viktimës nga vendngjarja.
Ndërsa motorri është gjetur në vendngjarje poshtë autobusit
Punohet për sqarimin e rrethaneve të ngjarjes.”- shkruhej në njoftimi zyrtar të policisë.
Sipas “Lapsi.al”, 25-vjeçari që humbi jetën mbrëmë në aksidentin fatal quhet Ramazan Bata.
Për shkak të përplasjeve, ai gjeti vdekjen e menjëhershme.
Pas ngjarjes u arrestuan dy drejtuesit e mjeteve, shtetasi me inicialet P.T, (shoferi i autobusit) dhe shtetasi me inicialet F.T.
Ndërkohë, policia ende po merret me hetimin e plotë të ngjarjes.
