Një aksident i rëndë ka ndodhur mëngjesin e sotëm në aksin rrugor Librazhd-Qafë Thanë, në vendin e quajtur “kthesa e gomave”.
Nga informacionet paraprake mësohet se një trajler ka përplasur një autobus dhe për pasojë ka ndërruar jetë një 82-vjeçar me iniciale R.H.
Deri tani raportohet edhe për dy të plagosur.
Informacion paraprak
Në aksin rrugor Librazhd- Qafë thanë, në vendin e quajtur “kthesa e gomave”, një mjet trajler me drejtues shtetasin A.H., banues në Durrës, si pasojë e lagështirës ka goditur autobusin me drejtues shtetasin Th.K., banues në Elbasan, si pasojë e aksidentit shtetasja R.H. 82 vjeçe ka ndërruar jetë, si dhe janë lënduar lehtë shtetaset D.M., 63 vjeçe dhe A.G., 44 vjeçe jashtë rrezikut për jetën, të cilët ishin pasagjerët në autobus.
Grupi hetimor ndodhet në vendngjarje dhe po punon për zbardhjen e shkakut të aksidentit.
