Një aksident i rëndë ka ndodhur në aksin Gjiri i Lalzit-Maminas në zonën e Hamallajt, ku viktimë ka mbetur një 16-vjeçar. Sipas informacioneve policore automjeti me drejtues shtetasin O. M., 25 vjeç, është përplasur me automjetin me drejtues shtetasin Erseld Kamberi, 20 vjeç.
Si pasojë e aksidentit i plagosur ka mbetur Kamberi, ndërsa ka humbur jetën pasagjeri, Alban Hasrama që ndodhej në makinë me 20-vjeçarin.
Njoftim i policisë:
Rreth orës 15:40, në Hamallaj Durrës, automjeti me drejtues shtetasin O. M., 25 vjeç, është përplasur me automjetin me drejtues shtetasin E. K., 20 vjeç.
Si pasojë e përplasjes është dëmtuar shtetasi E.K, i cili ndodhet nën kujdesin e mjekëve dhe ka humbur jetën në spital pasagjeri shtetasi A. H., 16 vjeç, që ndodhej në automjetin që drejtonte shtetasi E. K.
Grupi hetimor ndodhet në vendngjarje dhe po punon për sqarimin e rrethanave dhe shkakut të aksidentit.
