Katër persona janë plagosur si pasojë e një aksidenti të rëndë automobilistik që është regjistruar në mëngjesin e sotëm në Qafë Bualli.
Dy nga katër të plagosurit janë në gjendje të rëndë dhe janë nisur me helikopter drejt spitalit të Traumës në Tiranë për mjekim të specializuar.
Ndërkohë dy të tjerët ndodhen në spitalin e Bulqizës jashtë rrezikut për jetën, raporton “BalkanWeb”.
Katër personat që u plagosën, shoferi dhe tre pasagjerët po udhëtonin me një fuoristradë, por në momentin që tentuan të parakalonin një kamion, makina doli nga rruga.
Ndërkaq forca të shumta policie ndodhen në vendin e ngjarjes, për të dokumentuar rrethanat e mundshme të aksidentit.