Një aksident i frikshëm është regjistruar në shtetin verior indian të Uttarakhand në distriktin Almora të hënën, 4 nëntor, sipas Associated Press , CNN dhe CBS News.
Autobusi, i cili ishte ndërtuar për të transportuar 42 pasagjerë, por kishte rreth 60 njerëz në bord, u nis nga Garhwal në Himalajet për në qytetin Ramnagar – afërsisht 120 milje në jug të Garhwal.
Gjatë lëvizjes, autobusi humbi kontrollin, doli nga një rrugë kodrinore dhe ra në një lumë rreth 200 metra poshtë rrugës, tha për AP zyrtari i lartë shtetëror Deepak Rawat ku për fat të keq mbetën pa jetë 36 individë dhe 6 të tjerë të plagosur.
Disa pasagjerë ose u hodhën nga automjeti ose u arratisën. Ata që mbijetuan më pas njoftuan autoritetet për aksidentin.
Sipas CBS News, kryeministri i Uttarakhand Pushkar Singh Dhami tha se ekuipazhet e urgjencës “po punonin me shpejtësi për të evakuuar të plagosurit dhe për t’i çuar ata në qendrën më të afërt shëndetësore për trajtim. Gjithashtu janë dhënë udhëzime për transportimin e pasagjerëve të plagosur rëndë nëse kërkohet.”
