Një aksident i rëndë ka ndodhur në Tiranë, në aksin e vjetër në Bërzhitë, që i ka marrë jetën 2 vajzave adoleshente.
Makina ka dalë nga rruga për shkak të lagështirës, duke sjellë humbjen e jetës së dy vajzave pasagjere, shtetaset me inicialet D. T, 17 vjeçe dhe S. S, 17 vjeçe.
Gjithashtu, 3 adoleshentë të tjerë kanë mbetur të plagosur.
Sipas të dhënave të policisë, adoleshentët kanë qenë në një restorant për të festuar ditëlindjen e njërës prej pasagjereve.
Drejtuesi i mjetit me targe AA044 LN, Francesk Shaba, ka humbur kontrollin e makinës dhe është përplasur me bordurat dhe pemët anës rrugës.
Drejtuesi i mjetit ishte pa patentë dhe ia kishte marrë makinën babait të tij.
18-vjeçari ka dale nga makina pas aksidentit dhe pasi ka bërë disa hapa, ka rënë përtokë pa ndjenja.
Momentalisht, ai ndodhet në gjendje shoku në Spitalin e Traumës, bashkë me dy të plagosurat e tjera.
Burimi: Lapsi.al
