Sa me stil aq dhe shpëtues mund ta quajmë këtë aksesor! Po flasim pikërisht për kapelat stil “beret”, të cilat janë kthyer këtë vjeshtë një nga aksesorët që i nevojitet paraqitjes së çdo femre.
Pavarësisht se fillimi i tyre i vendosjes së tyre nuk është në pasarelat e modës së 2017-s, ato janë vlerësuar nga fashionistat apo femrat e njohura, jo vetëm jashtë, por edhe nga ato shqiptare.
Pak ditë më parë Elvana Gjata publikoi një foto me stilin e veshjes franceze dhe pikërisht me një beretë lëkure të “Dior”.
“Dior” e solli këtë aksesor për sezonin e vjeshtës dhe çmimi i saj shkon në 610 paund. Drejtorja kreative e markës, Maria Grazia Chiuri, pohoi se duke marrë shkas nga e shkuara revolucionare e beretës, ky aksesor përfaqëson gratë që duan të mbajnë një qëndrim!
Në fakt kjo kapelë ka në histori ka ndikim influencues të mendimin të lirë intelektual. Fillimisht e lidhur me njerëzit kreativë dhe me shpirt artistik, bereta është veshur nga Pablo Picasso, Ernest Hemingway, Marlene Dietrich dhe John Lennon.
Pastaj Che Guevara e përdori si simbol revolucioni dhe më pas bereta u përdor edhe nga organizatorët e partisë në mbrojtje të minoritetit afrikan në Amerikë, Black Panther.
Personazhet publikë shqiptare janë frymëzuar së fundmi nga ky trend, për mesazhin që përcjell dhe për komoditetin që të ofron, sidomos në ditët me shi dhe kur nuk keni kohë të rregulloni flokët.
Blogerja Estela Ujka gjithashtu zgjodhi një beretë me pak strehë të kombinuar me një fustan me lule.
Pra mund të jetë edhe si një zgjidhje për veshjet klasike, si në rastin e këtij fustani të kuq. Me të mund të eksperimentoni me çdo stil.
Ndërsa këngëtarja dhe modertaorja Orinda Huta e ka aksesorin e saj të pandarë. Pavarësisht se zgjedh një veshje “casual”…
Ose diçka pak më joshëse.
Blogerja Odeta Banushaj gjithashtu e solli të kombinuar me një komplet ose një fustan.
Pra vajza, nëse ka një aksesor që duhet të jetë në dollapin tuaj është pikërisht një beretë, jo vetëm për t’u dukur moderne, por edhe për të kursyer kohë.
Burimi: Iconstyle.al
