Meghan Markle ka siguruar se nuk ka më dyshime për statusin e marrëdhënies së saj me Princ Harry-n, duke vendosur inicialet e emrave të tyre në kraharor.
Aktorja 35-vjeçare u fotografua duke bërë pazar në Toronto, Kanada, të shtunën, ndërsa mbante veshur një varëse floriri të personalizuar, ku mund të dalloheshin si dekorime dy germat M dhe H.
Kjo vjen pas zbulimit se Princi 32-vjeçar bëri një udhëtim 1.700 milje për të vizituar të dashurën e tij, pas turneut të tij në Karaibe.
Varësja floriri 14-karatëshe është nga dizajnuesja Maya Brenner, bizhuteritë e së cilës mbahen nga celebrities të njohura, si Kendall Jenner, Mila Kunis dhe Ashley Graham.
Një zëdhënëse e kompanisë konfirmoi se Meghan mbante vënë një “varëse me germa dhe numra asimetrike”, që vinte në ngjyrë të bardhë, të verdhë dhe rozë floriri.
Ajo kushton 240 dollarë me një germë, ndërsa shtohen 60 dollarë për çdo karakter që i shtohet.
Kjo nuk është hera e parë që Meghan përdor bizhuteritë për të treguar ndjenjat e saj për Princin. Çifti mban të vendosur byzylykë të njëjtë.
Burimi: Daily Mail
