Megan Fox dhe Machine Gun Kelly janë padyshim një ndër çiftet më të ndjekur dhe të komentuar në botën e showbiz-it.
Së fundmi, aktorja e njohur ka thënë se tek Gun Kelly ka parë reflektimin e shpirtit të saj.
“Kjo është ajo që zemra ime po kërkonte. Unë shoh aq shumë nga vetja tek ai, dhe anasjelltas, dhe atë pjesë të mbyllur që e kisha lënë mënjanë. Gjithmonë ndihesha sikur të mungonte ajo gjë, nga e cila kisha hequr dorë, nga e cila ju gjithmonë po e kërkoni. Oh, kjo është ajo që zemra ime po kërkonte”, u shpreh Megan Fox.
Këngëtari Machine Gun Kelly dhe aktorja Megan Fox u takuan për herë të parë në sheshxhirimet e një filmi në Porto Riko. Takimi i tyre ishte dashuri me shikim të parë dhe që prej atij momenti, ata nuk u ndanë më nga njëri-tjetri.
Gun Kelly mban një gjerdan me një varëse që përmban një pikë gjaku të së dashurës së tij, Megan. Së fundmi, gjatë një paraqitjeje në “Ellen DeGeneres Show”, ai zbuloi për të gjithë publikun arsyen pse mban gjakun e aktores rreth qafës.
Ai ka treguar se këtë vendim e mori në fillim të marrëdhënies së tyre, kur Megan po largohej nga qyteti për shkak të punës së saj.
“Unë atëherë nuk kisha pasaportë, dhe ajo po udhëtonte për në Bullgari, kështu që unë u panikosa sepse nuk mund ta vizitoja. Disa njerëz, për shembull, i japin një shami partnerit të tyre ose çfarëdo… Ajo më dha ADN-në e saj,” shtoi Kelly, i cila tani mban varësen me vete kudo që të shkojë.
