Miley Cyrus mund të jetë anëtarja më e re e jurisë së “The Voice”, por raportohet se ka nisur të sillet në mënyrën më të “egër” që në ditën e saj të parë. Historitë lidhur me tensionet mes Cyrus dhe Adam Levine nisën që kur këngëtarja iu shtua jurisë në prill.
Një burim pranë regjisë së emisionit zbuloi për “Radar Online” se gjërat po përkeqësohen. Adam dhe Miley janë kapur me njëri-tjetrin dhe për këtë arsye ai thotë se nuk mund të qëndrojë me të.
“Ai nuk flet për të kur kamerat i drejtohen dhe duket sikur me të vërtetë dëshiron të qëndrojë tërësisht indiferent ndaj saj. Siç është bërë e ditur edhe më parë, Levine ka patur mosmarrëveshje edhe me anëtarët e tjerë të jurisë në çdo sezon të kaluar të “The Voice”, por kjo armiqësi është ndryshe. Miley ka treguar se do të ketë vendin e saj, ndërsa Adam duket i lodhur nga çdo ndërhyrje e saj ndërkohë që ai flet. Por Adam nuk është i vetëm në këtë “betejë” me të”, shkruan portali.
Ai ka krijuar miqësi me Alicia Keys, e cila duket se është e vendosur për të mbajtur anën e mikut të saj, për t’u siguruar që ekipi i Mileyt të mos fitojë këtë sezon. Madje Levine nuk ka hezituar që të shprehet: “Unë e njoh babanë e saj prej vitesh, kështu që jam… “Do të telefonoj babanë tënd. Do t’i tregoj se sa e keqe po tregohesh tani. Kështu që më mirë qetësohu”. Presim si do të shkojë situata!
Burimi: The Hollywood Gossip
