2 javë më parë Genta Ismajli dhe Fero publikuan bashkëpunimin e parë të tyre. Surpriza më e madhe në këtë projekt ishte Genta Ismajli, e cila u shfaq për herë të parë si repere dhe i befasoi të gjithë me talentin e saj. Në një pjesë të videklipit Genta dhe Fero shfaqen në një vend të errët, rrethuar nga disa djem me çadra dhe kjo është një nga skenat që përsëritet më shumë.
Sot partneri i Gentës ka publikuar parapskenat nga kjo pjesë dhe duhet thënë se rezultati final që ne shohim është shumë më ndryshe nga realja. Kjo skenë nuk është xhiruar fare në një vend të errët dhe pas kamerave qëndrojnë një ekip shumë i madh njerëzish, të cilat kanë punuar për videoklipin.
View this post on Instagram
Ky ishte bashkëpunimi i parë mes Feros dhe Gentës dhe mund të themi pa frikë se rezultoi një sukses i vërtetë. Deri më tani kënga numëron mbi 1 milion klikime dhe është kthyer në hitin e këtyre javëve të fundit. Kjo këngë është pjesë e albumit të Feros që mban titullin “Goat”.
Kujtojmë se Fero u rikthye disa javë më parë në muzikë pasi për disa kohë ai qëndroi në pushim, madje u zhduk edhe nga rrjetet sociale. Para pak ditësh reperi erdhi në bashkëpunim me Stresin, me këngën e tyre të titulluar “Mahall”.
Nga ana tjetër, Genta Ismajli ka vendosur që këtë vit të mos ndalet dhe shumë shpejt do të publikojë bashkëpunimin e radhës që pritet të jetë mjaft i suksesshëm. Këngëtarja me origjinë shqiptare do të sjellë së shpejti duet me një artist turk, por ende nuk bëhet e ditur se cili do të jetë. Lajmin e ka zbuluar media turke “Haberler”, që ka bërë të ditur se kënga do të vijë në gjuhën turke.
