Një person i afërt me Selena Gomez dëgjoi albumin e ri të The Weeknd, “My Dear Melancholy”, që flet për ndarjen nga këngëtarja, për të kuptuar të vërtetën për fjalët që po qarkullonin.
Një burim tregoi se, The Weeknd nuk do t’i dhuronte kurrë veshkën Selena-s, pavarësisht këngëve të tij që i dedikohen asaj.
Burimi filloi lidhur me faktin e analizave të përputhshmërisë së veshkave. Teksti i këngës “Call Out My Name” i The Weeknd thotë:
“Thashë se nuk ndjeja asgjë, por gënjeva/ Desh preva një pjesë të vetes për jetën tënde”.
Dhe këto fjalë kanë nisur t’i bëjnë njerëzit të dyshojnë se, mos ai do t’i dhuronte këngëtares veshkën, për ta shpëtuar.
“Është vetëm një tekst dhe ai e dinte se do të tërhiqte vëmendjen dhe se njerëzit do ta interpretonin pikërisht ashtu siç kanë bërë, por ai kurrë nuk do t’ia dhuronte veshkën e tij Selena-s”, shpjegoi burimi.
“Sigurisht, ai ishte i dashuri i saj në atë kohë, kështu që ndoshta e kaloi ndër mend faktin për të bërë testin e përputhshmërisë, por kjo nuk ndodhi kurrë”.
Përveç kësaj, Gomez nuk e kishte menduar asnjëherë si opsion:
“Selena nuk ia kishte kërkuar kurrë. Ajo nuk donte madje as që ai ta mendonte si ide! Ishte mjaft e vështirë që ajo të lejonte një mikeshë të përjetshme [Francia Raisa] ta bënte këtë, por një të dashur të ri? Në asnjë mënyrë”.
Gomez dhe The Weeknd nisën të takoheshin në janar të 2017-s dhe këngëtarja ia nënshtrua transplantit në verë.
