Javën që lamë pas, krejt papritur treshja Capital T, Ledri Vula dhe Majk u vendosën në qendër të vëmendjes mediatike.
Arsyeja?
Prishja e raportit mes Majk dhe Capital T, si shkak i bashkëpunimit të këtij të fundit me Ledrin.
Këto thashetheme u nxitën nga dy story në Instagram të reperëve, që dukeshin sikur i drejtoheshin njëri-tjetrit por në fakt e vërteta ishte ndryshe.
Pasi lajmi mori dhenë, erdhi edhe reagimi i djemëve.
Në një video live në Instagram Capital T dhe Majk përgënjeshtruan lajmin, teksa autori i hitit “Akull” tha se së shpejti mund t’i shohim në një bashkëpunim të tre.
E teksa ne mezi po e prisnim këtë të fundit, duket se Majk dhe Ledri paskan përgatitur një surprizë.
Dyshja ka realizuar bashkëpunimin e parë së bashkë, teksa tashmë duhet të realizojnë vetëm videoklipin.
Lajmin e ka bërë me dije Ledri, në një intervistë për NIN, ku tha se përveç duetit me Dafinën e Lumi B, do sjellë edhe një duet me Majk.
Me Dafinën e kemi xhiruar klipin. Tani po presim ta xhirojmë edhe me Majkun, kënga ka përfunduar duhet vetëm klipi.
Epo përfundimisht vera 2020 është vera e bashkëpunimeve, dhe jo bashkëpunimeve dosido, por mes emrave më në zë të muzikës shqiptar
