Ish-miss Albania Agnesa Vuthaj vazhdon të jetë një nga femrat më të bukura shqiptare. Ajo u shpall “Miss Albania” në vitin 2004 dhe që atëherë ka qënë gjithmonë në vëmendje të mediave rozë dhe e pranishme në rrjetet sociale.
E ftuar në emisionin “Prive” ajo është kthyer pas në kohë duke treguar eksperiencën e hidhur që ka kaluar në prapaskenë kur u shpall Miss, pasi dikush kishte vjedhur kurorën që do të mbante në kokë.
“Në vitin 2004 mora pjesë në Miss Albania ku dhe u kurorëzova. Prisja një kurorë të madhe, por ishte shumë e vogël ! U çudita, por më pas kuptova se kurora që do më jepnin mua ishte zhdukur në prapaskenë. Miss Denisa Kola hoqi kurorën nga koka e saj që kishte vendosur për t’u zbukuruar dhe ma vendosi mua që të mos e linin Miss-in pa kurorë” – ka treguar Agnesa duke qeshur.
