Së fundmi janë përhapur shumë agjentët apo agjencitë e modelingut “fantazma”, të cilat kërkojnë që të rinjtë t’i paguajnë shuma parash për t’u bërë më pas të “famshëm” prej tyre.
Të ndjekur nga dëshira e madhe për të plotësuar ëndrrën e tyre shumë të reja shqiptare kanë rënë pre e tyre. Një rast i tillë është denoncuar së fundmi nga një vajzë nga Tropoja. Kjo e fundit denoncoi në faqen JOQ.al profilin e “Instagram”-it, “Elite Model Denmark”, i cili kontakton vajzat e reja, për t’u kërkuar foto intime të pjesëve të trupit, të bëra në mënyrë provokative.
“Pasi vajzat ia dërgojnë, faqja, e cila komunikon përherë me to në gjuhën angleze, por që nga bisedat dhe përgjigjet që jep duket qartë se është një shqiptar/e që e menaxhon, u shkruan më pas se fotot e tyre do të përfundojnë tek JOQ.al për t’u demaskuar, ndaj si rrjedhojë e shantazhit, vajzat duhet t’u dërgojnë të tjera foto erotike. Të paktën kjo kuptohet nga biseda e një vajze nga Tropoja me “Elite Model Denmark”, e si të mos mjaftonte kjo, faqja e kërcënon se ka marrë fotot e saj nga “Facebook”-u”.
“ICON Agency” ju këshillon që të bëni kujdes nga faqe të tilla mashtruese, të cilat funksionojnë vetëm në rrjetet sociale, pa një vendndodhje dhe një profil të qartë me eksperienca të mëparshme.
*Shfleto galerinë për të lexuar mesazhet
