Përfundimisht mësuam se Adriana Lima ka dikë të veçantë në jetën e saj. Ajo u fotografua në Bodrum të Turqisë, dorë për dore me të dashurin e saj të ri turk, shkrimtarin Metin Hara.
Dyshja është fotografuar teksa i drejtohet daljes VIP të aeroportit, ndërkohë që një numër i madh paparacësh i kanë fotografuar, teksa qëndrojnë bashkë. Thuhet se rruga e çiftit drejt hotelit shkaktoi goxha trafik dhe dy makina u përfshinë në një aksident, sepse paparacët nuk i ndaheshin makinës së modeles dhe shkrimtarit.
Përpara se të mbërrinin në Bodrum, dy të dashuruarit janë fotografuar duke u puthur në aeroportin e Stambollit.
Ai pranoi vetë për mediat turke se është në një lidhje me modelen.
“U takova me Adriana-n në Stamboll në qershor,” tregon ai dhe që atëherë nuk i kanë shkëputur më kontaktet.
“Kuptuam se kemi ndjenja për njëri-tjetrin. Të dy po përpiqemi të njihemi më mirë.”
Metini dhe Adriana nuk kanë ndërmend ta mbajnë lidhjen të fshehtë nga mediat, përkundrazi ata e kuptojnë dhe respektojnë kuriozitetin e mediave për lidhjen e tyre dhe presin të njëjtin respekt prej saj.
Burimi: Daily Sabah
