Shumë pak kohë na ndajnë nga festivali i këngës në Radio Televizionin Shqiptar, edhe pse diskutimet rreth tij kanë nisur shumë më përpara. Për të qenë transparent dhe për t’i bërë publike të gjitha informacionet e nevojshme për publikun dhe artistët pjesëmarrës, organizatorët mbajtën dje një konferencë për mediat.
Tashmë është zyrtare që Adi Krasta do të jetë drejtuesi dhe bashkautori i këtij festivali. Gjatë konferencës gazetarët bënë disa pyetje, një prej të cilave lidhej me thashethemet e përjashtimit të Kastori Zizos nga konkurrimi. Përgjigjja e Adit ishte e prerë dhe e qartë, se nuk i merrnin parasysh thashethemexhinjtë.
“Në qoftë se amerikanët thonë se nuk negociojmë me terroristët, ne nuk i marrim në konsideratë fare thashethemexhinjtë. Kur i marrim parasysh, ua kthejmë përgjigjen në festival që t’ju shkojë djersë deri në….”: tha Adi Krasta.
