Adelina Ismajli duket se e vlerëson shumë Rina Balajn, reperen e re bashkëpunimi me të cilën do të publikohet në datën 20 qershor.
Kënga do të titullohet “Qikat” dhe është një ripërpunim i këngës “Kanagjegji” që e këndoi dikur Adelina me refrenin e njohur: “Ani qika ani, ecni e mos ngani”.
E ftuar në emisionin “Gjesi t7”, këngëtarja tregoi sesi u njoh me Rinën dhe pse vendosi të bashkëpunojë me të.
“Jemi takuar tek parukieri ynë i përbashkët, i cili është “kumbara” e këtij projekti, Nagipi.”, u shpreh Adelina, duke vijuar me arsyen përse i tërhoqi vëmendje Rina, “Më ka pëlqyer edukata e saj. Që në fillim u prezantua “si sheqer”, shumë e ëmbël, shumë e mirë. Të moshës së saj me qenë kaq të edukuara, rrallë ndodh.”
Por, jo vetëm kaq. Fakti se Rina shkollohet për muzikë, ishe ajo që e bëri totalisht për vete Adelina Ismajlin.
“Pastaj kur mora vesh se është në akademi të muzikës, aty ma bëri zemrën copa- copa. Se këta që vazhdojnë në akademira, s’di pse e kam njëfarë debulese. Pas kësaj, fillova ta dëgjoja dhe më pëlqeu se ka njëfarë stili unik, të veçantë.”
Dje, Adelina postoi në Instagram një foto bashkë me Rinën duke shprehur vlerësimin e lartë për të si artiste dhe duke parashikuar se reperja e re do të jetë shumë e suksesshme në të ardhmen.
“Ajo është zjarr. Ajo do të jetë për shumë gjatë vërdallë”, shkruajti Adelina për Rinën, “Ajo është #girlpoëer (forca e vajzave) ime. Qikat”
