Vetëm javën e kaluar këngëtarja, Adelina Tahiri, shpalli fejesën, por nga dita e djeshme ajo zbuloi se është zyrtarisht e martuar.
Bashkëshorti i saj është biznesmeni 50-vjeçar Seryzha Markov, i cili në 2013-n ka qenë konsull nderi i Republikës së Moldavisë në Maqedoni.
Dje ajo i befasoi të gjithë duke postuar në “Instagram” një foto, ku shfaqej duke hedhur firmën e saj dhe zyrtarizuar kështu martesën më biznesmenin maqedonas. Ndërsa krah saj dallojmë që qëndron Markov i veshur me kostum të zi.
Këtë e vërteton edhe shkrimi që i ka bashkangjitur fotos ku shkruan: “Zyrtarisht e martuar”.
Ndryshe nga sa do të zgjidhte një “nuse e re” fustanin e bardhë, Adelina Tahiri u shfaq si një bashkëshorte shumë moderne. E veshur me një fustan të kuq i gjithi me gurë dhe një shall pelushi.
Tashmë u mësuam me nuset moderne, pas Angela Martinit që u shfaq e veshur me të zeza për dasmën e saj me biznesmenin rumun, Dragos Savulescu.
Burimi: Instagram
