Ajo është tërhequr përkohësisht nga tregu i muzikës duke iu përkushtuar tërësisht jetës personale.
Tashmë që është në pritje të fëmijës, Adelina Ismaili është shumë rrallë aktive edhe në rrjetet sociale, megjithatë publikon herë pas here fotografi të ndryshme, për të qenë sa më pranë fansave.
Ajo ndodhet në muajin e shtatë të shtatzënisë dhe deri dje nuk kishte publikuar asnjëherë ndonjë fotografi me barkun e rrumbullakosur.
Ditën e djeshme, Adelina publikoi një imazh në profilin zyrtar në “Facebook”, ku shfaqet me duart në bark, gjersa shijon pritjen e ëmbël.
“Nuk ka bizhu më të bukur sesa duart e fëmijës rreth qafe…”, shkruan këngëtarja Ismaili në mbishkrimin e fotografisë.
