Ajo ka shumë vullnet dhe këtë e ka dëshmuar përmes suksesit të arritur! Ndërsa shumë prej fansave të saj nuk e dinin, këngëtarja tha gjatë një intervistë së fundmi me “etalk” se ishte një duhanpirëse e rregullt.
Pavarësisht se ka publikuar disa nga baladat më të fuqishme të kohëve të fundit, Adele beson se lënia e duhanit i ka “dobësuar” zërin.
Ajo është e bindur se këngëtarët që konsumojnë duhan rregullisht arrijnë të kapin nota të larta vokale dhe kur ajo hoqi dorë nga duhani 5 vite më parë iu dobësuan kordat zanore.
Duke iu rikthyer këngëve që publikoi 2 vitet e fundit, 28-vjeçarja tregon se zëri i saj nuk është më i fuqishëm se vitet kur pinte duhan.
Gjithashtu ajo tregon se megjithëse do të donte ta rifillonte duhanin nuk do ta bëjë këtë gjë për hir të djalit të saj dhe e shikon këtë situatë nga këndvështrimi pozitiv, që të paktën thonjtë dhe dhëmbët nuk i ka më të verdhë.
Burimi: Daily Mail
